Gedichten van Jan Bos Schilderijen en tekeningen van René Kuipers |
Dij wait van visken, mout waiten van netten dreugen | Operoatie Zoltkaamp 14 | Oskerd UQ 6 | Roofvizzen | Wilde keuken | Dreum |
Dreum Of t op scheuvels ging, ien n poar sloagen, weerom ien tied, nait te stoppen. Vergrèld n bakstaain noar melkfebriekboot van Motor Zeelaand kwakken! t Spaigelgladde ies is aan baggels buldozerd ! Deur nije open voargeul tufket stoareg aan beurtschibbersnik van twijmeder viefentwinteg laange Freerk Hamming mit swaarde jekker aan. t Twaalftuns bootje mit zien tik-poef, tik-poef, aincilinder lister , loat n grieze euliewaalm achter, oet dit diezeg miezege niks, komt n blaauwe gaist, n schip mit masten veurdag, de UQ-21 Zien iesbrekersnoet plougt deur branding, hekgolven loaten zien weeldrege ronde kont daanzen, Louwina staait op stuurhut, n zeemeermin haistert aan genoatnetten t Is aaltenbliksem nait op n rieg te kriegen! Ien n weerlichtslag op scheuvels weerom. Joa, t is hom, dij van mien glad scheuvelies! Zeemeermin kiekt mie beteuvrend aan. Mien aarm zakt verlamd omdeel, bakstaain plompt verloren, loat allint kringen achter, wieder, aal wieder vot. Jan Bos ien Hogelaandster toal |