Gedichten van Jan Bos Schilderijen en tekeningen van René Kuipers |
Dij wait van visken, mout waiten van netten dreugen | Operoatie Zoltkaamp 14 | Oskerd UQ 6 | Roofvizzen | Wilde keuken | Dreum |
Dij wait van visken, mout waiten van netten dreugen. Noa vaaier moal vaaierentwinneg uur op t wodder, n vangst van, “ t kon minder ”, mit holle ogen en stobbelboard plakt aan verweerde kop, wort ter aanlegd, volle kisten genoat aan waal, legen weerom ien beun. Kleufde hannen worren aan boksem , noatied aan boezroen òfveegd, om mit slovve vingers n haalfswoare te rollen, n houstbui, n gruine ragel. Swiegend begunt elk wat nog te doun is, Stil, prakkezaaiern wat kloar mout veur volgende raais. Aaner moakt ientied netten vrij van vizzekoppen, van wier, ballast en wat nog ien netten hangt. Schudden, trekken, kieken , net twee meder oplieren, vannijs schudden, kieken, röttenvrij mout t weden. ZK 44 mit laidenwodder ofspoulen van zolde aanslag, smeervet, verlopeneulie, puut mit òfvaal blift op staiger, schibbers en boot hemmen t had, loaten golven allint achter, ientied dreugen netten veur volgende trek op zee. Jan Bos ien Hogelaandster toal |